「我日后唔畀佢返马来西亚,唔想同佢分开,身体劳累我都仲可以支撑,攰咪休息啰,希望守护住佢,同埋喺香港睇医生都方便啲。」

  「系呀,真系赚咗!佢系阳光小朋友,由内向变得多嘢讲。(健康稳定?)普通啦……只要佢有足够休息,稳定生活同安全感就较好,以前喺北京住,天气较为冻就差啲,返嚟南方住就好好多,同埋最主要嘅系,得到妈咪嘅爱,呢个系互相畀大家嘅动力,可以讲系一种奇迹!」

  「Hanson有日突然揽住我叫妈妈,嗰刻我好想收养佢,不过当时已经有人申请领养佢,院长亦觉得我只系一时冲动,于是我每日去煮饭畀佢食,暂时照顾佢。然后原本嘅领养者突然放弃领养佢,好自然就畀我收养,咁多年嚟,我一手一脚照顾佢,小朋友畀到我嘅爱,系冇人可以取代到。」